您的位置 首页 宅影视

《 釜山行2:半岛》在线观看,令我想起最后生还者!

釜山行2:半岛》令我想起最后生还者!

实在唔怕讲,《 釜山行2:半岛》「同第一集差好远」慨评价一早就喺网络上涌现,香港慨观众都应该有晒心理准备,至于「好远系几远」,好睇你对上集《尸杀列车》慨感觉。假如《釜山行2:半岛》喺你心目中系一部「神作」,咁,《 尸杀半岛》都几大镬。又唔使惊住,我觉得《釜山行2:半岛》只系畀《尸杀列车》慨包袱压住咗啫。拎开个包袱,《 釜山行2:半岛》都尚算可以令人接受慨,当一般popcorn 动作片嚟睇慨话。

上集做得好慨地方喺边度

《尸杀列车》好睇,好睇在故事扣人心弦。唔似得一般美式丧尸电影以冲锋陷阵打丧尸为故事主线,着眼于打打杀杀同喷血喷得有几咁精彩,《尸杀列车》系借几位主角喺列车上一个咁狭窄慨环境下求生慨故事,刻划人情冷暖,有好多比血肉横飞慨厮杀更令人冲击慨画面。《尸杀列车》制作上的确唔够完善,但赢剧情铺排,赢气氛,对于一部电影嚟讲,好重要。

今集做得唔好慨地方系边度

《尸杀半岛》,调返转,budget 多咗,故事focus 转咗,导演想讲慨message 唔同咗(话上一集太绝望,所以今次要多返啲希望),本来都有potential 可以拍得好好睇;结果,故事规模越大,场景空间越大,剧情反而变得乏味,好想拍一部「猛片」,偏偏唔够「猛」。《尸杀列车》孔刘、马东石等等令观众有共鸣,相反《尸杀半岛》姜栋元、李贞贤同观众慨距离有啲遥远。男女主角冷面特工上身,枪法如神,但系就未能够做到有血又有肉慨感觉,同好多动作片只系得个打字慨主角无咩分别。剧情上多次想表现出渠哋两个都有脆弱慨一面(主要系为咗亲情),不过似乎计算得太过精准,公式化剧情铺排得太过明显。亦都唔可以唔提,角色与角色之间慨互动欠缺张力,人类反派有头威无尾阵,而男女主角喺故事里面有一个明明好重要慨「渊源」,可惜无被发展成为「冲突」(当然唔系讲打交个一款冲突啦),错失咗一个可以令男女主角真真正正有意义咁去互动慨良机。

特效有进步定系退步

《尸杀列车》印象令我最深刻慨竟然系一开始身体劲柔软慨嗰一只马(咦,sorry,系鹿啊),翻身慨动作做得劲靓(唔系讲笑,我系真心impressed),不过另有一幕爆玻璃跌丧尸又假得令我打咗个突。上一集无乜需要用CG,今集《尸杀半岛》,重点变咗追逐战、枪战,用CG 慨频率高咗(亦都几高),特效应用慨好与坏变得更加明显,例如飞车狂撞丧尸慨画面,丧尸唔系血肉模糊,而系,真系有啲模糊。其实韩国电影人处理CG 慨技巧系越嚟越好㗎,不过可能去到某啲突破唔到荷里活水平慨关口,只好用掩眼法去解决问题,咁样就难逃资深观众慨法眼啦。

令我谂起最后生还者PartII

《尸杀半岛》唔可以话系难睇,亦都无令我反感,所有嘢都系中规中矩,只不过缺点比较明显,结局有啲「出事」(剧情同对白太刻意、情感太浮夸、某个演员慨演技太⋯⋯出位,气氛令人难以言喻),然后再畀上一集《尸杀列车》广泛慨赞誉拖累,一切一切都无办法唔令我联想起《The Last of Us Part II》。一部系电影,一只系游戏,两个末世故事作品都系期待值劲高慨续集,除咗丧尸/感染者都已经沦为「识郁慨布景」之外,亦都因为编导想作出一啲「新尝试」而弄巧反拙。好彩慨系,《尸杀半岛》剧情上无乜争议,输都只系输「做得唔够好」而唔系「不知所谓」。

关注公众号【梵高看电影】,后台回复“釜山行2”,有汁源!!

关于作者: 社长

热门文章